அரச சேவைகள், மாகாண சபைகள் மற்றும் உள்ளூராட்சி அமைச்சுக்கள் அனைத்து அரச துறை ஊழியர்களையும் பணிக்கு அழைக்க தீர்மானித்துள்ளன.
அரச துறை ஊழியர்களை பணிக்கு திரும்ப அழைப்பது தொடர்பான சுற்றறிக்கை இன்று வெளியிடப்படும் என அமைச்சின் செயலாளர் ஜே.ஜே ரத்னசிறி தெரிவித்துள்ளார்.
இதற்கு முன்பு, நிறுவன தலைவர்களுக்கு தங்கள் ஊழியர்களை குறிப்பிட்ட சதவீதத்தில் வரவழைக்க அதிகாரம் வழங்கப்பட்டது, மேலும் அந்த ஒழுங்குமுறை திருத்தப்படும். அனைத்து ஊழியர்களும் திங்கட்கிழமை முதல் தங்கள் வழக்கமான பணிகளைத் தொடங்குமாறு கேட்டுக் கொள்ளப்படுவார்கள்”என்று அவர் பத்திரிகையொன்றுக்கு கருத்து தெரிவித்தார்.
கொரோனா தொற்றுநோயைக் கட்டுப்படுத்த அரசாங்கம் அமுல்படுத்தியுள்ள நடவடிக்கைகள் மற்றும் அதன் நன்கு ஒழுங்கமைக்கப்பட்ட தடுப்பூசித் திட்டத்தைத் தொடர்ந்து இந்த முடிவு எடுக்கப்பட்டுள்ளதாக ரத்னசிறி மேலும் தெரிவித்தார். (யாழ் நியூஸ்)
