இனி 'உண்டி' பண பரிமாற்றம் செய்தால் வங்கி கணக்கு முடக்கப்படும்! மத்திய வங்கி அதிரடி!

இனி 'உண்டி' பண பரிமாற்றம் செய்தால் வங்கி கணக்கு முடக்கப்படும்! மத்திய வங்கி அதிரடி!


சட்டவிரோத பணப்பரிமாற்ற முறைகள் (உண்டி) மூலம் பணம் விநியோகம் செய்யும் மற்றும் பெறுபவர்களின் வங்கிக் கணக்குகள் உடனடியாக அமுலுக்கு வரும் வகையில் முடக்கப்படும் என மத்திய வங்கியின் ஆளுநர் அஜித் நிவார்ட் கப்ரால் இன்று (01) அறிவித்துள்ளார்.


"அனைத்து புலம்பெயர்ந்த இலங்கையர்களும் தங்கள் வருமானத்தை நாட்டுக்கு அனுப்ப உத்தியோகபூர்வமான வழிகளை மட்டுமே பயன்படுத்துமாறு மத்திய வங்கி கேட்டுக்கொள்கிறது." என்றார்.


கடந்த வாரம், மத்திய வங்கியின் ஆளுநர், உத்தியோகபூர்வமற்ற வழிகள் மூலம் வரும் பணப்பரிமாற்றங்கள் குறித்த தகவல்களை அதிகாரிகள் சேகரித்து வருவதாகவும், நடைமுறைகளை கட்டுப்படுத்த நடவடிக்கை எடுக்கப்படும் என்றும் தெரிவித்திருந்தார்.


இந்நிலையிலேயே, வெளிநாட்டு பண பரிவர்த்தனைகளை மேற்கொள்ள சட்டப்பூர்வமான வழிகள் உள்ளன என்று கூறிய கப்ரால், இதற்காக முறையான முறைமைகளைப் பயன்படுத்துமாறு பொதுமக்களை வலியுறுத்தினார்.


முன்னதாக, இலங்கையில் உள்ள வங்கிகள் மற்றும் ஏனைய முறைசார் வழிகள் ஊடாக இலங்கை ரூபாவாக மாற்றும் ஒவ்வொரு டொலருக்கும் 10 ரூபாவை மேலதிகமாகப் பெற்றுக் கொடுக்க மத்திய வங்கி தீர்மானித்துள்ளதாக ஆளுநர் தெரிவித்திருந்தார். (யாழ் நியூஸ்)


Previous News Next News

யாழ் நியூஸ் இணையத்தில் வெளியாகும் அனைத்து ஆக்கங்கள் மற்றும் கட்டுரைகளை அவற்றை எழுதியவர்களும், செய்திகளுக்கு அவற்றை அனுப்பியவர்களும், விளம்பரங்களின் நம்பகத்தன்மைக்கு அந்த விளம்பர நிறுவனங்களும், பேஸ்புக் மற்றும் இத்தலத்தில் தெரிவிக்கும் கருத்துக்களுக்கு அவற்றை பதிவிட்டவர்களுமே பொறுப்பு என தெரிவித்துக் கொள்கிறோம்.

உங்கள் செய்திகளை போதுமான ஆதாரங்களுடன் எமது வாட்ஸாப் இலக்கத்துக்கு அனுப்பி வைக்கவும்.