வவுனியா - நெடுங்கேணி பொலிஸ் பிரிவில் பெண்ணொருவர் துப்பாக்கி சூட்டுக்குள்ளாகி உயிரிழந்துள்ளார்.
குறித்த சம்பவம் இன்று (15) காலை 11.00 மணியளவில் இடம்பெற்றுள்ளது.
31 வயதுடைய திருமணமாகாத பெண் ஒருவர் தனது தாயுடன் மோட்டார் சைக்கிளில் பயணித்துக்கொண்டிருந்த சந்தர்ப்பத்தில் அவரது வீட்டிற்கு அருகில் வைத்து நபர் ஒருவர் துப்பாக்கியால் சுட்டு கொலை செய்துள்ளதாக பொலிஸாரின் ஆரம்பகட்ட விசாரணைகளில் தெரிய வந்துள்ளது.
சூட்டு காயங்களிற்குள்ளான குறித்த பெண் சம்பவ இடத்திலேயே உயிரிழந்துள்ளார்.
சம்பவத்தில் பாலசுப்ரமணியம் சத்தியகலா என்பவரே இவ்வாறு உயிரிழந்துள்ளதாக பொலிஸார் உறுதி செய்தனர்.
இந்த சம்வத்துடன் தொடர்புடைய திருமணமான ஒருவர் என்பதும், ஏற்கனவே கொலை வழக்கில் கைது செய்யப்பட்டு பிணையில் விடுதலையானவர் என்பது தெரியவந்துள்ளது.
மேலும் தன்னை திருமணம் செய்யுமாறு குறித்த யுவதியை வற்புறுத்தி வந்த நிலையில், யுவதி பொலிஸ் முறைப்பாடு செய்தமையால் கோபமடைந்து சுட்டுக் கொன்றதாக தெரிவிக்கப்பட்டுள்ளது.
அதேநேரம், பிரதேசத்தில் இருந்து தப்பிச் சென்ற சந்தேக நபரை தேடி விசாரணைகள் முன்னெடுக்கப்பட்டு வருகின்றன. (யாழ் நியூஸ்)
