வரவு செலவு திட்டம் தொடர்பில் விசேட அறிக்கையொன்றை விடுத்து நேற்று (12) பிற்பகல் எதிர்க்கட்சித் தலைவர் அலுவலகத்தில் வைத்து திரு. பிரேமதாச இதனைத் தெரிவித்தார்.
“நாட்டு மக்கள் முற்போக்கான பட்ஜெட்டை எதிர்பார்த்தனர். ஆனால் முடிவு காலியாக இருந்தது. மக்களுக்கான பட்ஜெட்டையே விரும்பினர். ஆனால் ஒரு பிற்போக்குத்தனமாகவே இருந்தது. இந்த பட்ஜெட்டில் கட்டமைப்பியல் இல்லை. பட்ஜெட் பற்றாக்குறையை குறைக்க எந்த திட்டமும் இல்லை. வாழ்க்கைச் செலவு மற்றும் பணவீக்கத்தை முடிவுக்குக் கொண்டுவரும் திட்டம் எதுவும் இல்லை. மக்களின் வாழ்க்கையை கட்டியெழுப்ப எந்த வேலைத்திட்டமும் இல்லை. விவசாயியை உயர்த்த எந்த அமைப்பும் இல்லை. வருவாய் ஈட்டும் முறை இல்லை.சுருக்கமாகச் சொன்னால் இது சோமாலி பாணி பட்ஜெட். மக்களை ஏமாற்றிய பட்ஜெட் இது.
நேச நாடுகளை மகிழ்விக்கும் வரவு செலவுத் திட்டமே தவிர நாட்டைக் கட்டியெழுப்பும் வேலைத்திட்டம் இந்த அரசாங்கத்திடம் இல்லை.
குறுகிய கால, நடுத்தர கால அல்லது நீண்ட கால திட்டம் இல்லாத வெற்று ஆவணம். பேரிடரால் பாதிக்கப்பட்ட மக்கள் மீதான மற்றொரு தாக்குதலாக பட்ஜெட் அமைந்தது. அது மாத்திரமன்றி அரச ஊழியர்களுக்கும் தனியார் நிறுவன ஊழியர்களுக்கும் சம்பள உயர்வு இல்லாத வரவு செலவுத் திட்டம். சுருங்கச் சொன்னால், மக்கள் மறந்து, தங்கள் கைக்கூலிகள் விரும்பும் வகையில் உருவாக்கிய ஆவணம் இது.
- ஊடக பிரிவு