தூக்கு மேடையை தனது நண்பர்களுக்கு காண்பிக்க குடிபோதையில் சிறைச்சாலையினுள் அத்துமீறி நுழைந்த இராஜாங்க அமைச்சர்!

தூக்கு மேடையை தனது நண்பர்களுக்கு காண்பிக்க குடிபோதையில் சிறைச்சாலையினுள் அத்துமீறி நுழைந்த இராஜாங்க அமைச்சர்!

இராஜாங்க அமைச்சர் தனது நண்பர்கள் பலருடன் வெலிக்கடை சிறை வளாகத்திற்குள் நுழைந்து கலவரமாக நடந்து கொண்டதாக தி மார்னிங் பத்திரிகை தெரிவிக்கிறது.

அமைச்சர் தனது நண்பர்களுக்கு தூக்கு மேடையை காட்ட விரும்பியதாகவும், அவர் வரும் போது குடிபோதையில் இருந்ததாகவும் கூறப்படுகிறது.

அந்த நேரத்தில் அமைச்சர் கைத்துப்பாக்கி ஒன்றை வைத்திருந்தார் என்றும் அவர் நிற்க முடியாத அளவுக்கு குடிபோதையில் இருந்தார் எனவும் அவ்வறிக்கையில் தெரிவிக்கப்படுகின்றது.

இந்த குழு சிறைக்குள் நுழைவதைத் தடுக்க முயன்ற அதிகாரிகளையும் அமைச்சரும் அவரது நண்பர்களும் திட்டியதாகக் கூறப்படுகிறது.

எவ்வாறாயினும், இது போன்ற சம்பவம் தொடர்பில் தனக்கு அறியப்படுத்தப்படவில்லை என்று சிறைச்சாலைகள் ஊடகப் பேச்சாளரும் சிறைச்சாலை ஆணையாளருமான சந்தன ஏக்கநாயக்க தெரிவித்துள்ளார். (யாழ் நியூஸ்)

Previous News Next News
யாழ் நியூஸ் இணையத்தில் வெளியாகும் அனைத்து ஆக்கங்கள் மற்றும் கட்டுரைகளை அவற்றை எழுதியவர்களும், செய்திகளுக்கு அவற்றை அனுப்பியவர்களும், விளம்பரங்களின் நம்பகத்தன்மைக்கு அந்த விளம்பர நிறுவனங்களும், பேஸ்புக் மற்றும் இத்தலத்தில் தெரிவிக்கும் கருத்துக்களுக்கு அவற்றை பதிவிட்டவர்களுமே பொறுப்பு என தெரிவித்துக் கொள்கிறோம்.

உங்கள் செய்திகளை போதுமான ஆதாரங்களுடன் எமது வாட்ஸாப் இலக்கத்துக்கு அனுப்பி வைக்கவும்.