கம்மன்பில ஈரானிய மத்திய வங்கியின் ஆளுநர் டாக்டர் அக்பர் கோமைஜானியுடன் இரு நாடுகளுக்கிடையேயான பல நிதி ஒத்துழைப்புகள் குறித்து கலந்துரையாடியுள்ளார். அதில், முக்கியமாக ஈரானுக்கு பொருட்களை ஏற்றுமதி செய்வதன் மூலம் கடன்களை திருப்பிச் செலுத்துவதற்கான சாத்தியக்கூறுகளில் கவனம் செலுத்தினார்.
செப்டம்பர் 21 முதல் 23 வரை ஐக்கிய அரபு அமீரகத்தில் நடைபெற்ற கேஸ்டெக் கண்காட்சி மற்றும் மாநாட்டில் அமைச்சர் கம்மன்பில கலந்து கொண்டார்.
அவர் ஐக்கிய அரபு அமீரகத்திற்கு விஜயம் செய்தபோது, அஜர்பைஜான் எரிசக்தி அமைச்சர் கௌரவ பர்விஸ் ஷாபாசோவ் மற்றும் ஐக்கிய அரபு அமீரகத்தின் எரிசக்தி மற்றும் உள்கட்டமைப்பு அமைச்சர் சுஹைல் முகமது ஆகியோருடன் இருதரப்பு கலந்துரையாடல்களை நடத்தினார்.
அட்னாக் (அபுதாபி தேசிய எண்ணெய் நிறுவனம்) உலகளாவிய வர்த்தக நிறுவனத்தின் தலைமை நிர்வாக அதிகாரியையும் அமைச்சர் சந்தித்தார். (யாழ் நியூஸ்)