ஐபோன் 13 சீரிஸ், ஆப்பிள் வாட்ச் சீரிஸ் 7 இன்று அறிமுகம் - 'கலிபோர்னியா ஸ்ட்ரீமிங்' ஈவன்ட்டை லைவில் பார்ப்பது எப்படி?

ஐபோன் 13 சீரிஸ், ஆப்பிள் வாட்ச் சீரிஸ் 7 இன்று அறிமுகம் - 'கலிபோர்னியா ஸ்ட்ரீமிங்' ஈவன்ட்டை லைவில் பார்ப்பது எப்படி?

இன்று ஆப்பிள் நிறுவன ப்ராடெக்ட்கள் மற்றும் ஐபோன் பிரியர்களுக்கான மிக உற்சாகமான நாள். ஆப்பிளின் கலிபோர்னியா ஸ்ட்ரீமிங் (California streaming) நிகழ்வு இன்று மாலை துவங்க திட்டமிடப்பட்டு உள்ளது. இந்நிகழ்வில் ஆப்பிள் ப்ராடெக்ட்களின் புதிய அணிவகுப்பு உலகளவில் காட்சிப்படுத்தப்படும் என்று எதிர்பார்ப்பு நிலவி வருகிறது. இன்றைய "கலிபோர்னியா ஸ்ட்ரீமிங்" நிகழ்வின் போது ஆப்பிள் வாட்ச் சீரிஸ் 7 உடன் இணைந்து, மிகவும் எதிர்பார்க்கப்பட்ட ஐபோன் 13 சீரிஸ் அறிமுகமாகும் என்று அதிகார்பூர்வ தகவல்கள் தெரிவிக்கின்றன.

எனவே California Streaming Event 2021 மூலம் ஐபோன் 13 சீரிஸ் ரிலீஸிற்கான காத்திருப்பு முடிவுக்கு வருகிறது. ஆப்பிள் நிறுவனத்தின் ஐபோன் 13 சீரிஸ், இன்றைய (செப்டம்பர் 14) நிகழ்வில் லாஞ்ச் செய்யப்பட இருப்பதாக தெரிகிறது. இன்றைய நிகழ்வின் போது ஆப்பிள் தனது மூன்றாம் தலைமுறை AirPods-களையும் லாஞ்ச் செய்ய கூடும் என்று பல அறிக்கைகள் பரிந்துரைத்துள்ள அதே நேரத்தில், இந்த ப்ராடக்ட் (third-generation AirPods) அறிமுகத்தை ஆப்பிள் நிறுவனம் இன்று தவிர்க்க கூடும் என்று சில அறிக்கைகள் குறிப்பிட்டுள்ளன.

எனவே நிகழ்வின் போது தான் இது பற்றிய சரியான தகவல் நமக்கு கிடைக்கும். கோவிட் தொற்று நோய் அபாயம் காரணமாக ஆப்பிள் பார்க்கில் நடைபெறும் “California Streaming" நிகழ்வு, ஆப்பிளின் அதிகாரப்பூர்வ யூடியூப் சேனலில் நேரடி ஒளிபரப்பு செய்யப்பட இருக்கிறது. இதற்கான லிங்க் இங்கே கொடுக்கப்பட்டுள்ளது (https://youtu.be/EvGOlAkLSLw)

தவிர ஐபோன் 13 வெளியீட்டின் நேரடி ஸ்ட்ரீமிங்கை காண ஒரு பிரத்யேக ஆப்பிள் நிகழ்வு பக்கம் (dedicated Apple event page) ஒன்றும் தயார் செய்யப்பட்டு உள்ளது. எனவே இந்த நிகழ்வை நேரலையில் பார்க்க விரும்புவோர் ஆப்பிள் வெப்சைட்டின் ஈவன்ட் பேஜிற்கு சென்றும் பார்க்கலாம். ஆப்பிளின் இந்த ஆண்டின் மிகப்பெரிய இந்த நிகழ்வு செப்டம்பர் 14 (இன்று) இரவு 10:30 மணிக்கு துவங்கும் என்று தெரிகிறது.

ஆப்பிளின் அதிகாரப்பூர்வ யூடியூப் சேனலில் நேரடியாக ஸ்ட்ரீம் செய்யப்பட உள்ள நிலையில், ஸ்ட்ரீமிங் லைவிற்கு வரும் போது அட்வான்ஸ்டு நோட்டிஃபிகேஷன்களை பெற யூசர்கள், ரிமைண்டரை செட் செய்து கொலள்ளலாம். ஐபோன் 13 வெளியீட்டு நிகழ்வை ஆப்பிள் டிவி யூசர்களும் பார்க்க முடியும். இந்த ஈவன்ட் முடிந்த பிறகு முழு ஈவன்டையும் Apple Podcasts app-ல் பார்க்க முடியும். இதன் மூலம் California streaming நிகழ்வில் ஆப்பிளின் என்னென்னெ ப்ராடக்ட்கள் ரிலீஸ் செய்யப்பட்டுள்ளன என்பதை பற்றிய முழு விவரங்களையும் தெரிந்து கொள்ள முடியும்.

ஆப்பிள் ஐபோன் 13 சீரிஸ், முந்தைய ஐபோன் மடல்களுடன் ஒப்பிடுகையில் பல்வேறு புதிய மேம்பாடுகளுடன் வரும் என்று எதிர்பார்க்கப்படுகிறது. ஐபோன் 12 சீரிஸுடன் ஒப்பிடுகையில் ஐபோன் 13 சீரிஸ் சிறிய நாட்ச் கொண்டிருக்கலாம், மேலும் பெரிய கேமரா சென்சார்கள் இருக்கும் என்று சில தகவல்கள் தெரிவிக்கின்றன. தவிர ஆப்பிள் வாட்ச் சீரிஸ் 7 ஒரு பெரிய வடிவமைப்பு புதுப்பிப்புடன் வரும் என்று எதிர்பார்க்கப்படுகிறது.

Previous News Next News
யாழ் நியூஸ் இணையத்தில் வெளியாகும் அனைத்து ஆக்கங்கள் மற்றும் கட்டுரைகளை அவற்றை எழுதியவர்களும், செய்திகளுக்கு அவற்றை அனுப்பியவர்களும், விளம்பரங்களின் நம்பகத்தன்மைக்கு அந்த விளம்பர நிறுவனங்களும், பேஸ்புக் மற்றும் இத்தலத்தில் தெரிவிக்கும் கருத்துக்களுக்கு அவற்றை பதிவிட்டவர்களுமே பொறுப்பு என தெரிவித்துக் கொள்கிறோம்.

உங்கள் செய்திகளை போதுமான ஆதாரங்களுடன் எமது வாட்ஸாப் இலக்கத்துக்கு அனுப்பி வைக்கவும்.