ஆசிரியர்-அதிபர்களின் சேவைகளில் ஊதிய முரண்பாடுகளை நீக்குவது மற்றும் அமைச்சரவைக்கு பரிந்துரைகளை வழங்குவதற்காக நியமிக்கப்பட்ட அமைச்சரவை துணைக்குழுவால் பரிந்துரைகள் செய்யப்பட்டன.
அதிபர்கள், 33 ஆசிரியர், மற்றும் ஆசிரியர் பயிற்றுனர் சங்கங்களின் பிரதிநிதிகளுடனான கலந்துரையாடலின் பின்பு முடிவுகள் எடுக்கப்பட்டன.
துணைக்குழு அளித்த பரிந்துரைகளை பரிசீலித்த பின் பின்வரும் முடிவுகள் அமைச்சரவையால் எடுக்கப்பட்டன:
- அமைச்சரவை துணைக்குழுவின் பரிந்துரைகளை செயல்படுத்த கொள்கை ஒப்புதல் வழங்குதல்.
- ஆசிரியர் சேவை, ஆசிரியர் ஆலோசனை சேவை மற்றும் அதிபர் சேவைகளை மூடிய சேவைகளாக அறிவித்து 2021 நவம்பர் 20 இற்கு முன்னர் வர்த்தமானி அறிவிப்பை வெளியிடுதல்
- 2022 வரவு செலவு முன்மொழிவின் மூலம் ஆசிரியர்கள் மற்றும் அதிபர்களின் சம்பள முரண்பாடுகளை நீக்குவதற்கு அமைச்சரவை துணைக்குழுவால் பரிந்துரைக்கப்பட்ட சம்பள திருத்தங்களை அமல்படுத்துதல்.
- சிறப்பு கொடுப்பனவாக ரூ. 5000 இனை செப்டம்பர் மற்றும் அக்டோபர் 2021 மாதங்களில் பணியில் இருக்கும் ஆசிரியர்கள் மற்றும் அதிபர்களுக்கு வழங்குதல்
- மாகாண சபைகள் மற்றும் பிற தொடர்புடைய அதிகாரிகளுடன் இணைந்து கல்வி அமைச்சினூடாக துணை-சங்கத்தின் மற்றைய திட்டங்களை 6 மாதங்களுக்குள் செயல்படுத்த தேவையான நடவடிக்கைகளை எடுத்தல்.
(யாழ் நியூஸ்)
