🔴 BREAKING: தளர்த்தப்படாது தொடர்ந்தும் அமுலாகும் பயணத்தடை!

எதிர்வரும் 31 மற்றும் ஜூன் 04 ஆன் திகதிகளில் பயணக்கட்டுப்பாடு அத்தியாவசிய பொருட்களை கொள்வனவு செய்ய தளர்த்தப்படும் என்று அறிவிக்கப்பட்டிருந்த போதும், மக்களின் நலனுக்காக  குறித்த இரு தினங்களிலும் பயணக்கட்டுப்பாடு தளர்த்தப்படாது தொடர்ந்து ஜூன் 07 ஆம் திகதி வரை அமுலில் இருக்கும் என தெரிவிக்கப்படுகின்றது. 

இந்த முடிவை கொரோனா தடுப்பு பணிக்குழு எடுத்துள்ளது. 

அதன்படி, இந்த காலகட்டத்தில் மக்களுக்கு தேவையான அத்தியாவசிய பொருட்களை தங்கள் வீடுகளுக்கு விநியோகம் செய்ய ஏற்பாடுகள் செய்யப்பட்டுள்ளதாகவும் தெரிவிக்கப்படுகின்றது.

பயணக் கட்டுப்பாடுகள் தளர்த்தப்பட்ட தினத்தில் மக்களின் நடத்தை கொரோனா பரவுவதற்கான ஆபத்தினை ஏற்படுத்தி இருப்பதைக் கருத்தில் கொண்டே இந்த முடிவு எடுக்கப்பட்டது. (யாழ் நியூஸ்)