தம்புள்ளை பள்ளிவாசல் விவகாரம்; பள்ளிவாசல் நிர்வாகம் மாநகர சபைக்கு அனுப்பிய கடிதம்!

தம்புள்ளை பள்ளிவாசல் விவகாரம்; பள்ளிவாசல் நிர்வாகம் மாநகர சபைக்கு அனுப்பிய கடிதம்!


1960 களில் தம்­புள்­ளையில் கம்­சபா (கிராம சபை) நிர்­வாக முறையே அமு­லி­லி­ருந்து பின்பு பிர­தேச சபை நிர்­வா­கத்தின் கீழ் உள்­வாங்­கப்­பட்­டது. இக்கால கட்­டங்­களில் கட்­டிட நிர்­மா­ணத்­திற்கு அனு­மதி பெற்­றுக்­கொள்ளும் நடை­முறை இருக்­க­வில்லை.


இக்­கால எல்­லையில் இங்கு நிர்­மா­ணிக்­கப்­பட்ட நிர்­மா­ணங்­க­ளுக்கு எவரும் அனு­மதி பெற்றுக்கொள்­ள­வில்லை என்­பதை அறியத் தரு­கிறோம் என வக்பு சபையும், தம்­புள்ளை ஹைரியா ஜும்ஆ பள்­ளி­வாசல் நிர்­வா­கமும் தம்­புள்ளை மாந­கர ஆணை­யாளர் வி.எம்.ஆர்.பி.தசநா­யக்­க­வுக்கு கடிதம் மூலம் அறி­வித்­துள்­ளன.


தம்­புள்ளை ஹைரியா ஜும்ஆ பள்­ளி­வா­சலில் கடந்த பெப்­ர­வரி மாதம் 24 ஆம் திகதி தம்­புள்ளை மாந­கர ஆணை­யா­ள­ரினால் அறி­வித்தல் ஒன்று ஒட்­டப்­பட்­டி­ருந்­தது. அவ்­வ­றி­வித்­தலில் “1982 ஆம் ஆண்டின் 4 ஆம் இலக்க நகர அபி­வி­ருத்தி அதி­கா­ர­சபை சட்­டத்தின் 8A (1) பிரிவை மீறி உங்­களால் அதி­கா­ர­ச­பை­யி­ட­மி­ருந்து உரிய அனு­மதி பெற்­றுக்­கொள்­ளாது கண்­டி­வீதி தம்­புள்­ளையில் வணக்­கஸ்­த­ல­மொன்று நிர்­மா­ணிக்­கப்­பட்­டுள்­ள­தாக எனக்கு அறி­விக்­கப்­பட்­டுள்­ளது. 2021.02.24 ஆம் திகதி அல்­லது அதற்கு முன்பு நிர்­மா­ணத்­திற்கு பெற்­றுக்­கொள்­ளப்­பட்ட அனு­மதி தொடர்பான ஆவ­ணங்கள் இருப்பின் தம்­புள்ளை மாந­க­ர­சபை பொறி­யி­ய­லா­ள­ரிடம் சமர்ப்பிக்கும்­படி இத்தால் அறி­விக்­கின்றேன்.


அவ்­வாறு அறி­விக்­கப்­ப­டா­விட்டால் எந்த அறி­விப்­பு­மின்றி மேற்­கூ­றப்­பட்ட நகரஅபிவிருத்திஅதிகா­ர­சபை சட்­டத்தின் 28A (3) பிரிவின் கீழ் நீதி­மன்ற உத்­த­ர­வினைப் பெற்று சட்­ட­வி­ரோத நிர்­மாணம் அகற்­றப்­படும் என அறி­யத்­த­ரு­கிறேன்’. எனக் குறிப்­பி­டப்­பட்­டி­ருந்­தது.


இந்த அறி­வித்­த­லுக்கே வக்பு சபையும், பள்­ளி­வாசல் நிர்­வா­கமும் மேற்­கு­றிப்­பிட்­ட­வாறு பதிலை வழங்­கி­யுள்­ளன.


பதில் கடி­தங்­களில் மேலும் குறிப்­பி­டப்­பட்­டுள்­ள­தா­வது: தம்­புள்ளை பிர­தேச சபை நிர்­வா­கத்தின் கீழ் இருந்த சந்­தர்ப்­பத்தில் இப்­பள்­ளி­வா­சலை பிர­தேச சபை அங்­கீ­க­ரித்து ஏற்றுக் கொண்­டுள்­ளது. 2012 ஆம் ஆண்டு இப்­பள்­ளி­வாசல் தாக்­கப்­பட்­ட­போது அப்­போ­தைய பாது­காப்புச் செய­லா­ள­ராக இருந்த தற்­போ­தைய ஜனா­தி­பதி கோத்­தா­பய ராஜபக் ஷ தலை­யிட்டு பல­கட்ட பேச்­சு­வார்த்­தை­களில் ஈடு­பட்­டுள்­ளதை ஞாப­கப்­ப­டுத்­து­கிறோம் என பள்­ளி­வாசல் நிர்­வாகம் அனுப்பி வைத்­துள்ள பதில் கடி­தத்தில் தெரி­வித்­துள்­ளது.


$ads={1}


அத்­தோடு பிர­தமர் மஹிந்த ராஜபக்ஷ பொறுப்­பா­க­வுள்ள கலா­சார அமைச்சின் கீழ் இயங்­கி­வரும் முஸ்லிம் சமய பண்­பாட்­ட­லு­வல்கள் திணைக்­க­ளத்தின் கீழ் இப்­பள்­ளி­வாசல் R/1990/MT/51 எனும் இலக்­கத்தின் கீழ் பள்­ளி­வா­ச­லாக பதிவு செய்­யப்­பட்­டுள்­ள­மை­யையும் சுட்­டிக்­காட்ட விரும்­பு­கிறோம்.


இதன் பிறகு எமது பள்­ளி­வா­சலை வணக்­க­ம­டுவம் என தொடர்பு கொள்ளாது ஹைரியா ஜும்ஆ பள்ளிவாசல் என்ற பெயரில் தொடர்பு கொள்ளுமாறு வேண்டிக்கொள்கிறோம். மேலதிக விபரங்கள் தேவைப்படின் முஸ்லிம் சமய பண்பாட்டலுவல்கள் திணைக்கள பணிப்பாளரிடம் பெற்றுக்கொள்ளும்படி வினயமாக தெரிவித்துக்கொள்கிறோம் என பள்ளிவாசல் நிர்வாகம் கடிதத்தில் குறிப்பிட்டுள்ளது.


-விடிவெள்ளி


கருத்து தெரிவிக்க...

Previous Post Next Post
யாழ் நியூஸ் இணையத்தில் வெளியாகும் அனைத்து ஆக்கங்கள் மற்றும் கட்டுரைகளை அவற்றை எழுதியவர்களும், செய்திகளுக்கு அவற்றை அனுப்பியவர்களும், விளம்பரங்களின் நம்பகத்தன்மைக்கு அந்த விளம்பர நிறுவனங்களும், பேஸ்புக் மற்றும் இத்தலத்தில் தெரிவிக்கும் கருத்துக்களுக்கு அவற்றை பதிவிட்டவர்களுமே பொறுப்பு என தெரிவித்துக் கொள்கிறோம்.

உங்கள் செய்திகளை போதுமான ஆதாரங்களுடன் எமது வாட்ஸாப் இலக்கத்துக்கு அனுப்பி வைக்கவும்.