வெளிநாடுகளில் இருக்கும் இலங்கையர்கள் மீண்டும் நாடு திரும்பும் நிலையில், அவர்கள் தடுப்பூசி பெற்று வந்தாலும் தனிமைப்படுத்தல் நடவடிக்கை மேற்கொள்ளப்பட வேண்டும் என இராணுவத் தளபதி ஷவேந்திர சில்வா தெரிவித்தார்.
இது தொடர்பில் அவர் மேலும் தெரிவிக்கையில்,
தனிமைப்படுத்தல் பணியைத் திருத்துவதற்கு சுகாதார அதிகாரிகள் இதுவரை பரிசீலிக்கவில்லை.
தடுப்பூசி செயல்முறை இன்னும் ஆரம்ப கட்டத்தில் இருப்பதால், தற்போதுள்ள அமைப்பில் எந்த மாற்றங்களையும் அரசு கருத்தில் கொள்ளவில்லை என்று அவர் கூறினார்.
கடந்த வாரம் கொரோனா வைரஸ் தடுப்பூசியினை பெற்றுக்கொண்ட பொதுமக்களை தொடர்ந்தும் எச்சரிக்கையுடன் இருக்க வேண்டும் என்றும் அதிக தன்னம்பிக்கை கொள்ளக்கூடாது என்றும் எச்சரித்தார்.
$ads={1}
முதல் சுற்று தடுப்பூசி பெற்ற பிறகு சிலர் முன்னெச்சரிக்கைகள் எடுக்காமல் இருக்க ஆரம்பித்ததாக அவர் குறிப்பிட்டார்.
முதல் டோஸ் எடுத்துக் கொண்டால் கொரோனா வைரஸிலிருந்து யாருக்கும் நோய் எதிர்ப்பு சக்தி கிடைக்காது என்றும் அவர் சுட்டிக்காட்டினார்.
மேலும், உலக சுகாதார அமைப்பின் கோவாக்ஸ் வசதியின் கீழ் ஒதுக்கப்பட்ட முதல் தொகுதி கொரோனா தடுப்பூசிகளையும் இலங்கை நாளை பெற உள்ளது குறிப்பிடத்தக்கது.
-எம்.எம் அஹமத்
