ஜெனீவாவில் இலங்கை தொடர்பான பிரேரணை நிறைவேற்றப்பட்டது! இந்தியா பங்கேற்கவில்லை!

ஜெனீவாவில் இலங்கை தொடர்பான பிரேரணை நிறைவேற்றப்பட்டது! இந்தியா பங்கேற்கவில்லை!


ஐக்கிய நாடுகள் மனித உரிமைகள் பேரவையில் முன்வைக்கப்பட்ட இலங்கை தொடர்பான ஜெனீவா பிரேரணை பெரும்பான்மையான வாக்குகளால் நிறைவேற்றப்பட்டுள்ளது.


இலங்கை தொடர்பாக, பிரித்தானியா, கனடா, மலாவி, ஜேர்மனி, மொன்டேனெக்ரோ, வட மெசிடோனியா ஆகிய நாடுகளால் முன்வைக்கப்பட்ட பிரேரணை மீதான வாக்கெடுப்பு இன்று (23) நடைபெற்றது.


இப்பிரேரணைக்கு ஆதரவாக 22 நாடுகள் வாக்களித்தன. எதிராக 11 நாடுகள் வாக்களித்தன.


பாகிஸ்தான், சீனா, பங்களாதேஷ், கியூபா, ரஷ்யா, பிலிப்பைன்ஸ், பொலிவியா, எரித்திரியா, சோமாலியா, உஸ்பெகிஸ்தான், வெனிசூலா ஆகிய நாடுகள் இலங்கைக்கு சார்பாக அதாவது பிரேரணைக்கு எதிராக வாக்களித்தன.


ஆர்ஜென்டீனா, ஆர்மேனியா, ஆஸ்திரியா, பஹாமஸ், பிரேஸில், பல்கேரியா, ஐவரி கோஸ்ட், செக் குடியரசு, டென்மார்க், பிஜி, பிரான்ஸ், ஜேர்மனி, இத்தாலி, மாலாவி, மார்ஷல் தீவுகள், மெக்ஸிகோ, நெதர்லாந்து, போலந்து, தென் கொரியா, யுக்ரைன், பிரிட்டன். உருகுவே ஆகிய 22 நாடுகள் பிரேரணைக்கு ஆதரவாக வாக்களித்தன.


இப்பிரேரணை மீதான வாக்கெடுப்பில் இந்தியா உட்பட 14 நாடுகள் வாக்களிப்பில் பங்குபற்றவில்லை.


Previous News Next News
யாழ் நியூஸ் இணையத்தில் வெளியாகும் அனைத்து ஆக்கங்கள் மற்றும் கட்டுரைகளை அவற்றை எழுதியவர்களும், செய்திகளுக்கு அவற்றை அனுப்பியவர்களும், விளம்பரங்களின் நம்பகத்தன்மைக்கு அந்த விளம்பர நிறுவனங்களும், பேஸ்புக் மற்றும் இத்தலத்தில் தெரிவிக்கும் கருத்துக்களுக்கு அவற்றை பதிவிட்டவர்களுமே பொறுப்பு என தெரிவித்துக் கொள்கிறோம்.

உங்கள் செய்திகளை போதுமான ஆதாரங்களுடன் எமது வாட்ஸாப் இலக்கத்துக்கு அனுப்பி வைக்கவும்.