அதேபோன்று, கொவிட் தொற்றினால் உயிரிழந்தோரின் எண்ணிக்கை 22 லட்சத்து 96 ஆயிரத்து 434 ஆக பதிவாகியுள்ளதுடன், கொவிட் தொற்றிலிருந்து குணமடைந்தோரின் எண்ணிக்கை 7 கோடியே, 71 லட்சத்து 99 ஆயிரத்து 149ஆக பதிவாகியுள்ளது.
2 கோடியே 58 லட்சத்து 60 ஆயிரத்து 637 பேர் தொடர்ந்தும் சிகிச்சைகளை பெற்றுவரும் அதேவேளை, அவர்களில் ஒரு லட்சத்து 5 ஆயிரத்து 836 பேரின் நிலைமை கவலைக்கிடமாக உள்ளதென தெரிவிக்கப்படுகின்றது.
கொவிட் தொற்றினால் பாதிக்கப்பட்ட நாடுகளில் அமெரிக்காவே முதலில் உள்ளது.
அமெரிக்காவில் 2 கோடியே 72 லட்சத்து 73 ஆயிரத்து 890 பேர் பாதிக்கப்பட்டுள்ளதுடன், அவர்களில் 4 லட்சத்து 66 ஆயிரத்து 988 பேர் உயிரிழந்துள்ளனர்.
இரண்டாவதாகவுள்ள இந்தியாவில் ஒரு மில்லியனுக்கும் அதிகமானோர் கொவிட் தொற்றினால் பாதிக்கப்பட்டுள்ளதுடன், 1 லட்சத்து 54 ஆயிரத்து 862 பேர் உயிரிழந்துள்ளனர்.
இவ்வாறான நிலையில், கொவிட் வைரஸ் தொற்று முதலில் ஏற்பட்ட நாடான சீனா, கொவிட் தொற்றினால் பாதிக்கப்பட்ட நாடுகள் பட்டியலில் இன்று 83வது இடத்தில் உள்ளது.
சீனாவில் கொவிட் தொற்றினால் பாதிக்கப்பட்டவர்களின் எண்ணிக்கை 89 ஆயிரத்து 669 ஆக உள்ள அதேவேளை, அங்கு உயிரிழந்தோரின் எண்ணிக்கை 4636ஆக காணப்படுகின்றது.
கொவிட் தொற்றினால் பாதிக்கப்பட்ட நாடுகள் பட்டியலில் இலங்கை இன்று 90வது இடத்தில் உள்ளது
இலங்கையில் கொவிட் தொற்றினால் 67 ஆயிரத்து 115 பேர் பாதிக்கப்பட்டுள்ளதுடன், 339 பேர் உயிரிழந்துள்ளனர்.
கொவிட் தொற்றில் பாதிக்கப்பட்ட நாடுகள் பட்டியலில் சீனாவிற்கும், இலங்கைக்கும் இடையில் 7 நாடுகள் வித்தியாசம் மாத்திரமே காணப்படுகின்றன.
குறிப்பாக இலங்கையில் கொவிட் தொற்றின் 2வது அலை ஏற்படுவதற்கு முன்னர் 143வது இடத்தில் இலங்கை இருந்தது.
கொவிட் தொற்றின் 2வது அலை தாக்கத்தின் பின்னரே, கொவிட் தொற்றினால் பாதிக்கப்பட்ட நாடுகள் பட்டியலில் இலங்கை 90வது இடத்தை நோக்கி நகர்ந்துள்ளமை குறிப்பிடத்தக்கது.