உலகின் பிரம்மாண்ட கொரோனா தடுப்பூசி திட்டம் இந்தியாவில் ஆரம்பம்!

உலகின் பிரம்மாண்ட கொரோனா தடுப்பூசி திட்டம் இந்தியாவில் ஆரம்பம்!

உலகின் பிரம்மாண்ட தடுப்பூசித் திட்டமான இந்தியாவின் கொரோனா வைரஸ் தடுப்பூசி திட்டத்தை பிரதமர் நரேந்திர மோடி இன்று (16) காணொளி காட்சி மூலம் தொடங்கி வைத்தார்.

"எப்போது கொரோனா தடுப்பூசி வரும் என எல்லோரும் கேட்டுக் கொண்டிருந்தார்கள். இப்போது கொரோனா தடுப்பூசி வந்துவிட்டது. இந்த நேரத்தில் இந்திய மக்கள் அனைவரையும் வாழ்த்துகிறேன்" என கொரோனா தடுப்பூசி செலுத்தும் திட்டத்தைத் தொடங்கி வைத்து பிரதமர் நரேந்திர மோடி தெரிவித்துள்ளார்.


$ads={2}

"முதல் டோஸ் கொரோனா தடுப்பு மருந்தைப் பெற்றுக் கொண்ட உடன், யாரும் முகக்கவசத்தை பயன்படுத்தாமல் இருக்கும் தவறையோ அல்லது சமூக இடைவெளியை பின்பற்றாமல் இருக்கும் தவறையோ செய்ய வேண்டாம் என மக்களைக் கேட்டுக் கொள்கிறேன். காரணம் இரண்டாவது டோஸ் மருந்து செலுத்திக் கொண்ட பிறகு தான் போதுமான நோய் எதிர்ப்புத் திறன் உடலில் மேம்படும்" என அவர் தெரிவித்தார்.

இதேவேளை கொரோனா வைரஸ் பெருந்தொற்றால் இந்தியாவின் சுகாதார மற்றும் முன்கள பணியாளர்கள் சந்தித்த சவால்கள் குறித்து பேசிய பிரதமர் நரேந்திர மோடி அப்போது உணர்ச்சிவசப்பட்டதாக ஏ.என்.ஐ செய்தி நிறுவனம் தெரிவித்துள்ளது.

கருத்து தெரிவிக்க..

Previous Post Next Post