கண்டி மாவட்டத்தில் வாக்குச்சீட்டுக்களை மறுபரிசீலனை செய்யக்கோரி ரிட் மனு தாக்கல்!

இடம்பெற்று முடிந்த பொதுத் தேர்தலின் போது கண்டி மாவட்டத்தில் வெளியிடப்பட்ட வாக்குச் சீட்டுகளை மறுபரிசீலனை செய்யக் கோரி மேன்முறையீட்டு நீதிமன்றத்தில் இன்று ரிட் மனு தாக்கல் செய்யப்பட்டது.

இந்த மனுவை சுயாதீன குழு எண் 1 இன் கீழ் கண்டி மாவட்டத்திற்காக போட்டியிட்ட அமித் வீரசிங்க தாக்கல் செய்ததாக நீதிமன்ற நிருபர் ஒருவர் தெரிவித்தார்.

மனுவின் பிரதிவாதிகளாக கண்டி மாவட்டத்தின் தெரிவத்தாட்சி அதிகாரி மற்றும் கண்டி மாவட்டத்திற்காக போட்டியிடும் அரசியல் கட்சிகளின் செயலாளர்களின் பெயர்கள் உட்பட 19 பேர் குறிப்பிடப்பட்டுள்ளனர்.

கடந்த பொதுத் தேர்தலில் அளிக்கப்பட்ட வாக்குகளை எண்ணும் போது பல முறைகேடுகள் நடந்துள்ளதாக அமீத் வீரசிங்க தனது மனுவில் குறிப்பிட்டுள்ளார்.

இதன் காரணமாக தான் நாடாளுமன்றத்திற்கு தெரிவாகும் வாய்ப்பை இழந்ததாகவும் அவர் அதில் கூறியுள்ளார்.