ஜனாதிபதி மற்றும் பிரதமருக்கான அமைச்சுக்களும் இதனுள் அடங்குவதாக ஜனாதிபதி ஊடக பிரிவு வௌியிட்டுள்ள அறிக்கையில் குறிப்பிடப்பட்டுள்ளது.
அதில் ஜனாதிபதி மற்றும் பிரதமரினால் வழிநடத்தப்படும் அமைச்சுக்களும் உள்ளடக்கப்பட்டுள்ளதாக தெரியவருகிறது.
புதிய அமைச்சரவை பதவியேற்பு நிகழ்வு நாளைமறுதினம் (12) கண்டியில் நடைபெறவுள்ளது.
28 அமைச்சர்களும். 40 அமைச்சரவை அந்தஸ்தற்ற அமைச்சர்களும் பதவியேற்கவுள்ளனர். புதிய அரசின் அமைச்சரவையில் வெளிவிவகார அமைச்சு பதவி தினேஷ் குணவர்தனவுக்கு வழங்கப்படவுள்ளது என தேசிய நாளிதழ் ஒன்று செய்தி வெளியிட்டுள்ளது.
அத்துடன், விளையாட்டுத்துறை அமைச்சராக நாமல் ராஜபக்ஷவும், கல்வி அமைச்சராக ஜீ.எல். பீரிஸும், சுகாதார அமைச்சராக பவித்ரா வன்னியாராச்சியும் பதவியேற்கவுள்ளார்.
விவசாயத்துறை அமைச்சராக மஹிந்தானந்த அளுத்கமகேயும், சுற்றுலாத்துறை அமைச்சராக பிரசன்ன ரணதுங்கவும், ஊடகத்துறை அமைச்சராக கெஹலிய ரம்புக்வெலவும், நீதி அமைச்சராக அலி சப்ரியும் நியமிக்கப்படவுள்ளனர்.
அதேவேளை, கொழும்பு மாவட்டத்தில் அதிகூடிய விருப்பு வாக்குகளைப் பெற்ற சரத் வீரசேகரவுக்கும், நுவரெலியா மாவட்டத்தில் முதலிடம் பிடித்த ஜீவன் தொண்டமானுக்கும் அமைச்சுப் பதவி வழங்கப்படவுள்ளது எனவும் மேற்படி செய்தியில் தெரிவிக்கப்பட்டுள்ளது.
புதிய அமைச்சரவை எதிர்வரும் 12 ஆம் திகதி கண்டியில் பதவியேற்கவுள்ளது குறிப்பிடத்தக்கது.