இதன் முதற்கட்டமாகக் குறித்த அம்சத்தினை யூடியூப் நிறுவனம் அதன் பாவனையாளர்களில் சிலருக்கு வழங்கத் திட்டமிட்டுள்ளது.
இச் சோதனை முயற்சி வெற்றி பெறுமானால் யூ டியூபில் டிக்டொக்கைப் போன்று சிறிய வீடியோக்களை அனைவராலும் பதிவிடமுடியும் எனத் தெரிவிக்கப்படுகின்றது.
இது தொடர்பாகக் கடந்த ஏப்ரல் மாதம் யூடியூப் நிறுவனமானது ‘ YouTube Shorts‘ என்ற பெயரில் சிறிய விளம்பரமொன்றை வெளியிட்டிருந்தது.
குறித்த விளம்பரத்தில் ‘பாவனையாளர்கள் பதிவு செய்து பதிவேற்றம் செய்யும் வீடியோக்கள் 15 வினாடிகளுக்குள் இருந்தால் அது நேரடியாக யூ டியூபில் பதிவேற்றம் செய்யப்படும். மாறாக 15 வினாடிகளுக்கு மேல் இருந்தால் குறித்த வீடியோக்கள் முதலில் தொலைபேசியின் கேலரிக்கு சென்று விடும் என்று தெரிவிக்கப்பட்டுள்ளது.
எவ்வாறாயினும் டிக்டொக்கைப் போன்று ஃபில்டர், மியூசிக், வீடியோ எபெக்ட்ஸ் உள்ளிட்டவை குறித்த அம்சத்தில் இருக்குமா என்பது பற்றிய விவரங்கள் யூ டியூப் நிறுவனத்தினால் இதுவரையில் வெளியிடப்படவில்லை.