கொரோனா தொற்று அச்சுறுத்தல் குறைவாக இருக்கும் நாடுகளில் இருந்து வருபவர்கள் கொரோனா சோதனைக்கு முகம்கொடுக்க வேண்டும் என்பதோடு ஒரு வாரம் வீட்டில் சுய தனிமையில் இருப்பதற்கான உறுதி மொழியில் கையெழுத்திட வேண்டும் என்று அரச தொடர்பாடல் அலுவலகம் வெளியிட்ட அறிவிப்பில் தெரிவிக்கப்பட்டுள்ளது.
ஏழு நாட்களின் பின் பயணிகளுக்கு இரண்டாவது சோதனை மேற்கொள்ளப்பட்டு வைரஸ் தொற்று ஏற்படவில்லை என்று உறுதி செய்யப்பட்டால் விடுவிக்கப்படவுள்ளனர்.
எனினும் தொற்று இருப்பது உறுதி செய்யப்பட்டால் தனிமைப்படுத்தலுக்காக அரச நிலையம் ஒன்றுக்கு அனுப்பப்படுவார். இந்த குறைந்த அபாயம் கொண்ட நாடுகள் பட்டியலில் இடம்பெறாத நாடுகளில் இருந்து வரும் பயணிகள் தாம் பயணிப்பதற்கு 48 மணி நேரத்திற்குள் தமக்கு தொற்று இல்லை என்பதை உறுதிப்படுத்தும் சான்றினை சமர்ப்பிப்பது கட்டாயமாக்கப்பட்டுள்ளது.
இலங்கை குறைந்த அபாயம் கொண்ட நாடுகளின் பட்டியலில் இவ்வாரம் இடம்பெறவில்லை என்பது குறிப்பிடத்தக்கது.