ஸஹ்ரானுடன் தொடர்பிலிருந்த ஹக்கீம் தெரிவுக்குழுவில் அங்கம் வகிக்க முடியுமா? -தினேஷ் கேள்வி

பயங்கரவாதி ஸஹ்ரானுடன் தொடபில் இருந்த அமைச்சர் ரவூப் ஹகீம் எவ்வாறு பயங்கரவாத செயற்பாட்டை கண்டறிய நியமிக்கப்பட்ட தெரிவுக்குழுவில் அங்கம் வகிக்க முடியும். அவ்வாறு இருக்கையில் தெரிவுக்குழு அறிக்கையின் சுயாதீன தன்மையில் எமக்கும் மக்களுக்கும் நம்பிக்கை இல்லை என எதிர்க்கட்சி உறுப்பினர் தினேஷ் குணவர்தன கேள்வி எழுப்பினார்.

நாடாளுமன்ற தெரிவுக்குழு அறிக்கை நேற்று (23) நாடாளுமன்றில் சமர்ப்பிக்கப்பட்டபோது எதிரணி அரசியல் குழுக்களின் தலைவர் தினேஷ் குணவர்தன ஒழுங்குப்பிரச்சினை எழுப்பினார்.

இதன்போது அவர், குறித்த அறிக்கையை பயங்கரவாதிகளுடன் தொடர்புபட்ட அல்லது சந்தேகிக்கப்படும் நபர்களை கொண்டு எவ்வாறு தயாரிக்க முடியும். எந்த அடிப்படையில் அதனை சபையில் ஏற்றுகொள்ள முடியும். இதே கேள்வி மக்களுக்கும் உள்ளது என்றார்.