ஜே.வி.பி யில் ஜனாதிபதி தேர்தலில் தனித்து போட்டியிடும் நபர் யார்?

இந்த ஆண்டு இறுதியில் நடைபெறவுள்ள இலங்கை ஜனாதிபதி தேர்தலில், ஜேவிபி தனித்து வேட்பாளரை நிறுத்தும் என்று, அந்த கட்சியின் நிறைவேற்றுக் குழு உறுப்பினரான லால் கான்த தெரிவித்துள்ளார்.

கொழும்பில் நேற்று நடத்திய ஊடகவியலாளர் சந்திப்பின் போதே அவர் இதனை தெரிவித்தார்.

“ஜனாதிபதி தேர்தலில் எமது கட்சியின் நிறைவேற்றுக் குழுவைச் சேர்ந்தவரே போட்டியிட வேண்டும் என்றும் கட்சி உறுப்பினர்கள் விரும்புகின்றனர். வேறெவரையும் நாங்கள் ஆதரிக்கப் போவதில்லை.

ஜனாதிபதி தேர்தலில் ஜேவிபி சார்பில் போட்டியிடும் வேட்பாளரின் பெயர் அடுத்த மாத தொடக்கத்தில் வெளியிடப்படும்” என்றும் கூறினார்.