ஒன்லைன் வீசா தீர்மானத்திற்கு இடைக்காலத் தடை!

தனியார் நிறுவனமொன்றுக்கு ஒன்லைன் வீசா இலத்திரனியல் பயண அங்கீகாரத்திற்கான அனுமதியை வழங்குவதற்கான அமைச்சரவை தீர்மானத்தை நடைமுறைப்படுத்துவதைத் தடுக்கும் வகையில் உயர் நீதிமன்றம் இடைக்கால தடை உத்தரவை பிறப்பித்துள்ளது.

இலங்கைக்கு விஜயம் செய்யும் சுற்றுலா பயணிகளுக்கு விசா வழங்குவதற்கான இலத்திரனியல் பயண அங்கீகார (ETA) முறையை கையாளும் வகையில் தனியார் நிறுவனங்களை கொள்வனவு செய்வதில் அதிகாரிகள் மேற்கொண்ட நடைமுறை மீறல்கள் மற்றும் பொதுமக்களின் நம்பிக்கையை துஷ்பிரயோகம் செய்வதற்கு எதிராக நடவடிக்கை எடுக்குமாறு கோரி உச்ச நீதிமன்றில் பல அடிப்படை உரிமைகள் மனுக்கள் தாக்கல் செய்யப்பட்டன.

மனுவில் குறிப்பிடப்பட்டுள்ள பிரதிவாதிகளில் பொது பாதுகாப்பு அமைச்சர், குடிவரவு குடியகழ்வு கட்டுப்பாட்டாளர் நாயகம், இலங்கை சுற்றுலா அபிவிருத்தி அதிகார சபை, GBS Technology Services மற்றும் IVS Global FZCO, VFS VF Worldwide Holdings LTD, இலங்கை அமைச்சரவை மற்றும் சட்டமா அதிபர் ஆகியோர் அடங்குவர்.