இலங்கையின் பாராளுமன்ற வரவு செலவுத் திட்ட அலுவலகத்திற்கான பாராளுமன்ற வரவு செலவுத் திட்ட அதிகாரி மற்றும் பிரதி பாராளுமன்ற வரவு செலவுத் திட்ட அதிகாரி பதவிகளுக்கு விண்ணப்பங்கள் கோரப்படுகின்றன.
பாராளுமன்றத்தின் அதிகாரப்பூர்வ இணையதளத்தில் அறிவிக்கப்பட்ட காலியிடங்களின்படி, அரசியலமைப்பின் கீழ் பொது நிதிப் பொறுப்புகளை நிறைவேற்றுவதில் சட்டமன்றத்திற்கு உதவுவதற்காக பாராளுமன்ற பட்ஜெட் அலுவலகம் நிறுவப்பட்டுள்ளது.
பாராளுமன்ற பட்ஜெட் அலுவலகம் சுதந்திரமானதாகவும், கட்சி சார்பற்றதாகவும், எந்த அரசியல் செல்வாக்கிலிருந்தும் பிரத்தியேகமாகவும் பாதுகாக்கப்பட்டதாகவும் இருக்கும். இது தகுதிவாய்ந்த பொருளாதார வல்லுனர்களுடன் சரியான முறையில் பணியமர்த்தப்படும், மேலும் உயர்தர பகுப்பாய்வு மற்றும் அறிக்கைகளை தயாரிப்பதில் பணிபுரியும் என்று அந்த அறிக்கையில் கூறப்பட்டுள்ளது.
பதவிகள் ஐந்து வருட ஒப்பந்த காலத்திற்கானது, அதே சமயம் மற்ற அனைத்து கொடுப்பனவுகளுடன் சேர்த்து பாராளுமன்ற பட்ஜெட் அதிகாரி பதவிக்கு குறைந்தபட்ச ஆரம்ப மொத்த மாதாந்திர ஊதியம் அண்ணளவாக ரூ. 665,000 மற்றும் துணை பாராளுமன்ற பட்ஜெட் அதிகாரி பதவிக்கு ரூ. 560,000 ஆகவும் குறிப்பிடப்பட்டுள்ளது.
கடித உறையின் மேல் இடது மூலையில் விண்ணப்பித்த பதவியைக் குறிக்கும் வகையில், 06 மே 2024 அன்று அல்லது அதற்கு முன், "பாராளுமன்றச் செயலாளர், இலங்கை பாராளுமன்றம், ஸ்ரீ ஜெயவர்தனபுர கோட்டே" என்ற முகவரிக்கு விண்ணப்பங்கள் பதிவு செய்யப்பட்ட அட்டையின் கீழ் அனுப்பப்பட வேண்டும்.
இந்த வெற்றிடங்கள் குறித்து கருத்து தெரிவித்த பொது நிதி தொடர்பான குழுவின் (COPF) தலைவர் கலாநிதி ஹர்ஷ டி சில்வா, இலங்கை கருவூலத்தால் முன்மொழியப்படும் நிதி சட்டங்களை சுயாதீனமாக மதிப்பிடுவதற்கு 20 இற்கும் மேற்பட்ட தொழில் வல்லுநர்களைக் கொண்ட அலுவலகத்தை அமைக்கும் பணி பாராளுமன்ற வரவு செலவுத் திட்ட அதிகாரிக்கானது.
PBO (பாராளுமன்ற வரவுவெலவுத் திட்ட அதிகாரி) சுதந்திரமாக செயல்படும் மற்றும் COPF குழு வழியாக ஒருங்கிணைத்து பாராளுமன்றத்திற்கு பொறுப்புக் கூற வேண்டும், அதே நேரத்தில் PBO ஒவ்வொரு பொது நிதி ஆவணத்தையும் பகுப்பாய்வு செய்வதுடன் செலவுகள் மற்றும் அவற்றின் நன்மைகள் போன்றவற்றை எம்.பி.க்களுக்கு விளக்கமளிக்கவும் வேண்டும் என அவர் தனது X தளத்தில் பதிவிட்டுள்ளார்.
வேலைவாய்ப்பு விவரங்கள்:
ஆங்கிலம் - https://www.parliament.lk/files/vacancies/2024/pbo/ad-en.pdf
தமிழ் - https://www.parliament.lk/files/vacancies/2024/pbo/ad-ta.pdf