பெறுமதி சேர் வரி 18 வீதத்தால் அதிகரிக்கப்பட்டுள்ளமையினால் சந்தையில் ஒரு கிலோகிராம் சிவப்பு சீனியின் விலை 415 ரூபாயாக அதிகரித்துள்ளதாக சீனி வியாபாரிகள் தெரிவித்துள்ளனர்.
பல்வத்த மற்றும் செவனகல சீனி தொழிற்சாலைகளில் இருந்து மாத்திரமே சிவப்பு சீனி உற்பத்தி செய்யப்படுவதுடன்இ நேற்று (09) நடைபெற்ற ஒப்பந்த அடிப்படையின் பின்னர் ஒரு கிலோகிராம் சீனி 322 ரூபாயிற்கு விற்பனை செய்யப்பட்டது.
இதன்படி ஒரு கிலோகிராம் சீனியின் விலை 390 ரூபாயைத் தாண்டியுள்ளதாக வர்த்தகர்கள் சுட்டிக்காட்டியுள்ளனர்.
இதற்கமைய தமது இலாபத்தையும் சேர்த்த பின்னர் ஒரு கிலோ சிகப்பு சீனியின் விலை 415 ரூபாவிற்கு விற்பனை செய்யப்படுகிறது.
இதேவேளைஇ இறக்குமதி செய்யப்பட்ட ஒரு கிலோகிராம் வெள்ளை சீனி சந்தையில் 265 ரூபாவுக்கு விற்பனை செய்யப்படுகிறது.
இதன்படி, சிவப்பு சீனியின் விலையை விட இறக்குமதி செய்யப்பட்ட ஒரு கிலோகிராம் வெள்ளை சீனியின் விலை சுமார் 150 ரூபாய் குறைந்துள்ளதாக வர்த்தகர்கள் குறிப்பிட்டுகின்றனர்.