ஐரோப்பிய நாடுகளில் வேலை வாய்ப்பு பெற்றுத் தருவதாக கூறி பலரிடம் இருந்து 10 மில்லியன் ரூபாய்க்கு மேல் மோசடி செய்த 55 வயது சந்தேக நபர் ஒருவர் கைது செய்யப்பட்டுள்ளார்.
சந்தேகநபருக்கு எதிராக கிடைக்கப்பெற்ற 7 முறைப்பாடுகளை அடுத்து, கொழும்பு புலனாய்வுப் பணியகத்தின் அதிகாரிகள், வெயங்கொடையைச் சேர்ந்த சந்தேக நபரை கைது செய்துள்ளனர்.
சந்தேகநபர் கொழும்பு 05 பகுதியில் வெளிநாட்டு வேலைவாய்ப்பு நிறுவனம் ஒன்றை நடத்தி வருவதுடன், இங்கிலாந்து, போலந்து போன்ற நாடுகளில் வேலை வாங்கித் தருவதாகக் கூறி பலரிடம் மோசடி செய்துள்ளதாக ஆரம்பகட்ட விசாரணைகளில் தெரியவந்துள்ளது.
குறித்த நபர் இலங்கை வெளிநாட்டு வேலைவாய்ப்புப் பணியகத்தில் பதிவுச் சான்றிதழைப் பெறவில்லை என விசாரணைகளில் மேலும் தெரியவந்துள்ளது. கொழும்பு மோசடி விசாரணைப் பிரிவினர் மேலதிக விசாரணைகளை மேற்கொண்டு வருகின்றனர்.