முற்பதிவு செய்துகொண்டோருக்கு மாத்திரமே கடவுச்சீட்டுக்களை பெற்றுக்கொள்ள வருமாறு பொது மக்களிடம் குடிவரவு மற்றும் குடியகல்வு திணைக்களம் அறிவுறுத்தல் விடுத்துள்ளது.
முற்பதிவு செய்துகொள்ளாதவர்கள் கடவுச்சீட்டுக்களை பெற்றுக்கொள்ள வருவதனை தவிர்க்குமாறு குறித்த திணைக்களம் கோரிக்கை விடுத்துள்ளது.
எனினும், மருத்துவ சிகிச்சைகளுக்காக வெளிநாடு செல்ல உள்ளவர்கள் மற்றும் இரண்டு அல்லது மூன்று வார விடுமுறையில் வெளிநாட்டில் இருந்து இலங்கை வந்து, கடவுச்சீட்டை தயார்ப்படுத்திக்கொள்ள உள்ளவர்கள் அதற்கான உரிய ஆவணங்களை காண்பித்து கடவுச்சீட்டுக்களை பெற்றுக்கொள்ள செல்ல முடியும் என அறிவிக்கப்பட்டுள்ளது.
எதிர்வரும் இரு வாரங்களின் பின்னர் இலகுவில் கடவுச்சீட்டுக்களை பெற்றுக்கொள்வதற்கான முறைமை ஒன்றை தயாரிக்க உள்ளதாகவும் தெரிவிக்கப்பட்டுள்ளது.
அண்மைய நாட்களாக குடிவரவு மற்றும் குடியகல்வு திணைக்களத்தின் முன்னால் நீண்ட வரிசைகளை அவதானிக்க முடிகின்றமை குறிப்பிடத்தக்கதாகும்.
