பரீட்சை வினாத்தாள் திருத்தும் பணியில் ஈடுபடும் ஆசிரியர்களுக்கு ஜனாதிபதி ரணில் விக்கிரமசிங்க எச்சரிக்கை விடுத்துள்ளார்.
அடுத்த வாரத்திற்குள் ஆசிரியர்கள் வினாத்தாள் திருத்தும் பணிக்கு செல்ல மறுத்தால் அவசரச் சட்டத்தின் கீழ் கல்வி அத்தியாவசிய சேவையாக மாற்றப்படும் என ஜனாதிபதி தெரிவித்ததாக ஜனாதிபதி ஊடகப் பிரிவு தெரிவித்துள்ளது.
குழந்தைகளின் கல்வியை பணயக் கைதிகளாக ஆக்குவதற்கு இடமளிக்க மாட்டோம் என ஜனாதிபதி விக்ரமசிங்க மேலும் வலியுறுத்தினார்.
இன்று (19) முற்பகல் ஜனாதிபதி செயலகத்தில் நடைபெற்ற கல்வி அமைச்சின் முன்னேற்ற மீளாய்வுக் கூட்டத்தில் கலந்துகொண்டு உரையாற்றும் போதே ஜனாதிபதி இதனைத் தெரிவித்தார். (யாழ் நியூஸ்)