அதன்படி, பல வங்கிகள் கடன் அட்டைகளுக்கு 30% வட்டி விகிதத்தை அறிவித்துள்ளன.
கடன் அட்டைகள் மீது விதிக்கப்பட்டுள்ள அதிகபட்ச வட்டி விகித வரம்புகளை நீக்குவதற்கு இலங்கை மத்திய வங்கியின் நாணயச் சபை ஏப்ரல் 08ஆம் திகதி தீர்மானித்தது.
அந்த முடிவைத் தொடர்ந்து, கடன் அட்டை வட்டி விகிதங்கள் 18% லிருந்து 24% ஆகவும், பின்னர் 30% ஆகவும் உயர்ந்துள்ளன.
இதேவேளை, இலங்கை மத்திய வங்கியின் சமீபத்திய அறிக்கைகளின்படி, இந்த ஆண்டு ஏப்ரல் மாத இறுதியில் நாட்டில் செயலில் உள்ள கடன் அட்டைகளின் எண்ணிக்கை 1,973,481 ஆக இருந்தது. ஏப்ரல் 2022 இறுதியில் இந்தக் கடன் அட்டைகளுக்கான மொத்தத் தொகை ரூ. 138,192 மில்லியன். 2022 ஆம் ஆண்டின் முதல் நான்கு மாதங்களில், நாட்டில் செயல்பாட்டில் உள்ள கடன் அட்டைகளின் எண்ணிக்கை 46,286 ஆல் அதிகரித்துள்ளது மற்றும் நிலுவையில் உள்ள கடன் அட்டைகளின் மொத்தத் தொகை ரூ. 4,907 மில்லியன் என பதிவாகியுள்ளது. (யாழ் நியூஸ்)
