ஜேர்மனி யூடியூப்பருக்கு பாலியல் துன்புறுத்தல் செய்த மூவர் கண்டியில் கைது!
Close
advertise here on top
advertise here on top
happy kids fun world

ஜேர்மனி யூடியூப்பருக்கு பாலியல் துன்புறுத்தல் செய்த மூவர் கண்டியில் கைது!

கண்டியில் அண்மையில் ஜேர்மன் யூடியூப் பெண் ஒருவருக்கு பாலியல் துன்புறுத்தல் செய்த மூவர் கைது செய்யப்பட்டுள்ளனர்.

இந்த சம்பவத்தை அந்த பெண்ணும் அவரது அயர்லாந்து ஆண் துணையும் கேமராவில் படம் பிடித்ததை அடுத்து சமூக வலைதளங்களில் பெரும் பரபரப்பு ஏற்பட்டது.

கண்டி சுற்றுலாப் பொலிஸாரால் நேற்று (24) கைது செய்யப்பட்ட சந்தேகநபர்கள் கட்டுகஸ்தோட்டை பிரதேசத்தைச் சேர்ந்தவர்கள் என அடையாளம் காணப்பட்டுள்ளனர்.

அயர்லாந்து - ஜேர்மன் தம்பதியினர் கண்டி வீதியில் வியாழக்கிழமை (21) இரவு குறித்த நபர்களால் துன்புறுத்தப்பட்டனர்.

இந்த சம்பவத்தை ஜேர்மன் வோல்கர் மடோ என்பவர் வீடியோவாக பதிவு செய்து, பின்னர் அவர்களின் யூடியூப் சேனலான ‘க்ளென்&மேடோ’ இல் பதிவேற்றம் செய்து சமூக ஊடகங்களில் வைரலாக பரவியது.

இலங்கையின் சமூக ஊடக பயனர்கள் இந்த சம்பவத்தை கண்டித்துள்ளதுடன், சந்தேக நபர்களுக்கு எதிராக நடவடிக்கை எடுக்குமாறு பொலிஸாரை வலியுறுத்தியுள்ளனர்.

பொதுமக்களின் சலசலப்பைத் தொடர்ந்து, பொலிஸார் சந்தேக நபர்களைக் கண்டுபிடித்து அவர்களைக் கைது செய்தனர், அதே வேளையில் சம்பவம் தொடர்பில் விசேட விசாரணைகள் ஆரம்பிக்கப்பட்டுள்ளன. (யாழ் நியூஸ்)
Previous News Next News

யாழ் நியூஸ் இணையத்தில் வெளியாகும் அனைத்து ஆக்கங்கள் மற்றும் கட்டுரைகளை அவற்றை எழுதியவர்களும், செய்திகளுக்கு அவற்றை அனுப்பியவர்களும், விளம்பரங்களின் நம்பகத்தன்மைக்கு அந்த விளம்பர நிறுவனங்களும், பேஸ்புக் மற்றும் இத்தலத்தில் தெரிவிக்கும் கருத்துக்களுக்கு அவற்றை பதிவிட்டவர்களுமே பொறுப்பு என தெரிவித்துக் கொள்கிறோம்.

உங்கள் செய்திகளை போதுமான ஆதாரங்களுடன் எமது வாட்ஸாப் இலக்கத்துக்கு அனுப்பி வைக்கவும்.