நாட்டில் சீனிக்கு விதிக்கப்பட்டுள்ள கட்டுப்பாட்டு விலையை நீக்க அரசாங்கம் தீர்மானித்துள்ளதாக அறிய முடிகிறது.
அதன்படி, ஒரு கிலோகிராம் வெள்ளை சீனியின் மொத்த விலையாக 135 ரூபா முதல் 140 ரூபாவரையும் சில்லறை விலை 150 ரூபாயாகவும் நாளை (03) முதல் விற்பனை செய்யப்படும் என தெரிவிக்கப்படுகிறது.
இதேவேளை, இது தொடர்பில் எமது செய்திப் பிரிவுக்கு இலங்கை சீனி இறக்குமதியாளர் சங்கத்தின் உப தலைவர் நிஹால் செனவிரத்ன தெரிவிக்கையில், அத்தியாவசிய பொருட்கள் அடங்கிய 976 கொள்கலன்கள் துறைமுகத்தில் தேங்கியுள்ளன.
இந்த சீனி கொள்கலன்களை விடுவிப்பதற்கான அமெரிக்க டொலர்களை வழங்க நிதியமைச்சர் இணக்கம் தெரிவித்துள்ளதாக அவர் குறிப்பிட்டார்.
