போட்டியின் நாணய சுழற்சியில் வெற்றிப் பெற்ற இலங்கை அணி முதலில் பந்து வீச தீர்மானித்துள்ளது.
அதனடிப்படையில் முதலில் களமிறங்கிய பங்களாதேஷ் அணி நிர்ணயிக்கப்பட்ட 20 ஓவர்கள் நிறைவில் 4 விக்கெட்களை 171 ஓட்டங்களை பெற்றுக் கொண்டுள்ளது.
பந்து வீச்சில் சமிக கருணாரத்ன, பினுர பெர்ணான்டோ மற்றும் லஹிரு குமார ஆகியோர் தலா ஒரு விக்கெட்டை வீழ்த்தியிருந்தனர்.
பங்களாதேஷ் அணி சார்ப்பில் மொஹமட் நயீம் 62 ஓட்டங்களையும் முஸ்தபிஷுர் ரஹீம் ஆட்டமிழக்காமல் 57 ஓட்டங்களையும் பெற்றுக் கொண்டிருந்தனர்.
இதற்கமைய, 172 என்ற வெற்றி இலக்கை நோக்கி பதிலுக்கு துடுப்பெடுத்தாடிய இலங்கை அணி 18.5 ஓவர்கள் நிறைவில் 5 விக்கெட்டுக்களை இழந்து வெற்றி இலக்கை அடைந்தது.
இலங்கை அணி சார்பில் அதிரடியாக துடுப்பெடுத்தாடிய சரித் அசலங்க ஆட்டமிழக்காது 80 ஓட்டங்களை பெறறுக் கொணடார்.
பாணுக்க ராஜபக்ஷ 53 ஓட்டங்களைப் பெற்றுக் கொண்டார்.
பந்து வீச்சில் சகிப் ஹல் ஹசன் மற்றும் நசும் அஹமட் ஆகியோர் தலா 2 விக்கெட்டுக்களை வீழ்த்தினர்
இன்று முறியடிக்கப்பட்ட சாதனைகள்
- டி20 உலகக் கிண்ண போட்டியின் 172 ஓட்டங்களை இலங்கை அணி வெற்றிகரமாக துரத்திய அதிகபட்ச இலக்கு. இதற்கு முன்பு 165 ஓட்டங்கள் (நியூசிலாந்து அணிக்கெதிரான போட்டி, ஜோகன்னஸ்பர்க் 2017 இல்).
- டி -20 போட்டிகளில் ஷார்ஜா சர்வதேச கிரிக்கெட் மைதானத்தில் வெற்றிகரமாகத் துரத்தப்பட்ட அதிகபட்ச இலக்கு 172 ஆகும்
- 86 ஓட்டங்கள்: டி20யில் இலங்கைக்காக அதிகபட்ச 5 ஆம் விக்கெட் பார்ட்னர்ஷிப். சரித் அசலங்க மற்றும் பானுக ராஜபக்ச ஜோடி
