பிரதமருக்கு வந்த கடிதம் - தீரிவு கிடைக்காவிட்டால் போராட்டம் தொடரும்!

கல்வி சாரா ஊழியர்கள் சங்கத்தினர், இரண்டு வாரங்களுக்குள் தமது கோரிக்கைகளுக்கு தீர்வை அரசாங்கம் வழங்கத் தவறும் பட்சத்தில் மாகாண மற்றும் மாவட்ட மட்டங்களில் தீவிர தொடர் போராட்டங்களை நடத்தவுள்ளதாக பிரதமர் மஹிந்தவிற்கு அறிவித்துள்ளனர்.

நேற்றையதினம்(26) எழுத்துபூர்வமாக அவர் இதனைத் தெரிவித்துள்ளனர்.

தேசிய பாடசாலைகளில் பணிபுரியும் கல்வி சாரா ஊழியர்கள் மாகாண சபை பாடசாலைகளில் பணியாற்றும் கல்வி சாரா ஊழியர்கள் பெறும் அதே சலுகைகளை இழந்து விட்டதாகவும் இவ்விவகாரம் குறித்து 8 ஆண்டுகளுக்கு முன் ஆளுநர்களுக்கும் நிர்வாக சேவைத் திணைக்களத்துக்கும் கடிதம் எழுதியும் எந்த முடிவும் கிடைக்கவில்லை என்றும் தொழிற்சங்கம் தெரிவித்துள்ளது.

உடனடித் தீர்வு எடுக்கா விட்டால் 30ஆயிரம் கல்வி சாரா ஊழியர்களுடன் தீவிர போராட்டம் ஒன்று முன்னெடுக்கப்படும் என பிரதமருக்கு சங்கம் அறிவுறுத்தியுள்ளமை குறிப்பிடத்தக்கது.