இந்த விமானம் டிசம்பர் 31 வரை நிறுத்தி வைக்கப்பட்டுள்ளதாக இலங்கையின் விமான நிலையம் தெரிவித்துள்ளன.
இதற்கிடையில், கொரோனா தடுப்பின் தேசிய பணிக்குழுத் தலைவர் இராணுவத் தளபதி சவேந்திர சில்வா கூறுகையில், விமான நிலையங்களை முழுமையாக மீண்டும் திறக்க அரசு முடிவு செய்யவில்லை.
மேலும் விமான நிலைய நடவடிக்கைகளை மீண்டும் தொடங்குவது ஒரு பைலட் திட்டம் மட்டுமே என்றார்.
இது எதிர்காலத்தில் விமான நிலையங்கள் மீண்டும் திறக்கப்படுவதற்கு முன்னோடியாக அமையும் என்று அவர் கூறினார்.
பைலட் திட்டத்தின் கீழ், சுற்றுலாப் பயணிகள் பயணக் குழுமத்தின் கீழ் கொண்டுவரப்படவுள்ளனர், மேலும் சுகாதார அமைச்சினால் நியமிக்கப்பட்ட பல ஹோட்டல்களில் தங்க வைக்கப்படுவார்கள்.
இந்த காலகட்டத்தில் இலங்கைக்கு வரும் சுற்றுலாப் பயணிகள் வருகைக்கு முன்னர் PCR பரிசோதனைகளுக்கு உட்படுத்தப்பட வேண்டியிருக்கும் என்றும், வந்த பிறகு மற்றொரு PCR பரிசோதனைக்கு உட்படுத்தப்படுவார்கள் என்றும் ஷவேந்திர சில்வா கூறினார்.
பரிசோதனை முடிவுகளின் அடிப்படையில் சுற்றுலாப் பயணிகள் ஏழு நாட்களுக்குப் பிறகு பயணக் குழுமத்தினால் நாட்டில் அடையாளம் காணப்பட்ட பல சுற்றுலா தலங்களுக்கு அழைத்துச் செல்லப்படுவார்கள்.
இந்நிலையில், விமான நிலையங்களை மீண்டும் திறப்பது குறித்து இறுதி முடிவு ஜனவரி 19 க்குப் பிறகு பைலட் திட்டத்தை ஆராய்ந்த பின்னரே எடுக்கப்படும் என்று இராணுவத் தளபதி தெரிவித்துள்ளார்.