இனி துஷ்மந்த சமீரவுக்கு டெஸ்ட் போட்டிகள் கிடையாதா?

இலங்கை மற்றும் இந்திய அணிகளுக்கு இடையிலான 2 ஆவது டெஸ்ட் போட்டிக்கான தேர்வில் இருந்து இலங்கை வேகப்பந்து வீச்சாளர் துஷ்மந்த சமீர நீக்கப்பட்டுள்ளார்.

கணுக்கால் உபாதை காரணமாக சமீரவின் பணிச்சுமையை நிர்வகிப்பதற்கான இலங்கை கிரிக்கெட் (SLC) மருத்துவ குழுவின் ஆலோசனையின் பேரில் இந்த முடிவு எடுக்கப்பட்டுள்ளதாக தகவல்கள் தெரிவிக்கின்றன.

துஷ்மந்த சமீர இந்த ஆண்டின் பிற்பகுதியில் T20 உலகக் கோப்பை வரை வெள்ளை பந்து கிரிக்கெட்டில் மட்டுமே விளையாடுவார்.

இந்தியாவுக்கு எதிரான இரண்டாவது டெஸ்ட் போட்டிக்குப் பிறகு சுரங்க லக்மால் டெஸ்ட் கிரிக்கெட்டில் இருந்து ஓய்வு பெற உள்ளதால், சமீரவை டெஸ்ட் கிரிக்கெட்டில் இருந்து நீக்குவது இலங்கைக்கு மிகப்பெரிய இழப்பாகும். (யாழ் நியூஸ்)