இலங்கையில் நிலவும் எரிபொருள் நெருக்கடிக்கு தீர்வு காண்பதற்கான யோசனைகளை எரிசக்தி அமைச்சர் உதய கம்மன்பில சமர்ப்பித்துள்ளார்.
எரிபொருள் பாவனையை குறைப்பதற்கான உடனடி தற்காலிக நடவடிக்கையாக அமுல்படுத்தப்பட வேண்டிய யோசனைகளை அமைச்சர் அரசாங்கத்திடம் முன்வைத்துள்ளதாக லங்காதீப பத்திரிகை செய்தி தெரிவித்துள்ளது.
அதன்படி, அமைச்சரினால் முன்மொழியப்பட்ட 09 முக்கிய நடவடிக்கைகள் பின்வருமாறு:
1. பாடசாலைகள் வாரத்திற்கு ஒரு முறையாவது ஆன்லைன் விரிவுரைகளை செயல்படுத்த வேண்டும்.
2. போக்குவரத்து நெரிசலைக் குறைக்கும் முயற்சியில் அரச நிறுவனங்கள் பணிகளை வெவ்வேறு நேரங்களை அறிமுகப்படுத்துதல்.
3. எரிபொருளுக்கான விலை சூத்திரம் அறிமுகப்படுத்தப்படவுள்ளது.
4. கொழும்பு நகருக்குள் நுழையும் வாகனங்களின் எண்ணிக்கைக்கு கட்டுப்பாடுகளை விதிக்கப்பட வேண்டும்.
5. அரசு நிறுவனங்களில் கூட்டங்கள் மற்றும் மாநாடுகளுக்கு கூட்டப்படும் நபர்களின் எண்ணிக்கையைக் குறைத்து, ஆன்லைன் தளங்கள் மூலம் இதுபோன்ற நிகழ்வுகளை நடத்தப்பட வேண்டும்.
6. கூட்டங்கள் மற்றும் கலந்துரையாடல்களுக்காக கொழும்புக்கு பயணிக்கும் உள்ளுராட்சி மற்றும் மாகாண சபை உறுப்பினர்களின் எண்ணிக்கையை குறைத்து, இணைய தளங்கள் மூலம் அத்தகைய நிகழ்வுகள் நடத்தப்பட வேண்டும்.
7. போக்குவரத்து நெரிசல் மற்றும் வாகனப் பயன்பாட்டைக் குறைக்கும் நடவடிக்கைகளை உடனடியாகத் திணிக்க வேண்டும்.
8. தொழிற்சாலைகளை இயக்குவதற்கு தேவையான மின்சாரத்தை உற்பத்தி செய்ய புதுப்பிக்கத்தக்க ஆற்றலைப் பயன்படுத்துமாறு தொழிற்சாலைகள் வலியுறுத்தப்படல் வேண்டும்.
9. எரிபொருள், மருந்துகள், மருத்துவ உபகரணங்கள் உட்பட அத்தியாவசியப் பொருட்களை கொள்வனவு செய்வதற்கு வர்த்தக வங்கிகளுக்கு அனுப்பப்படும் வெளிநாட்டுப் பணத்தில் 1/3 பங்கு அரச நிறுவனங்களுக்கு ஒதுக்கப்பட வேண்டும். (யாழ் நியூஸ்)
