ஜனாதிபதி மோசமான வார்த்தைகளால் என்னை தொலைபேசியில் மிரட்டினார்! விஜயதாஸ ராஜபக்ஷ பகிரங்க குற்றச்சாட்டு!

ஜனாதிபதி மோசமான வார்த்தைகளால் என்னை தொலைபேசியில் மிரட்டினார்! விஜயதாஸ ராஜபக்ஷ பகிரங்க குற்றச்சாட்டு!


ஜனாதிபதி கோட்டாபய ராஜபக்ஷ தன்னை தொலைபேசியில் தொடர்பு கொண்டு மோசமான வார்த்தைகளில் அச்சுறுத்தியதாக பரபரப்பு குற்றச்சாட்டு ஒன்றை ஆளும்கட்சி நாடாளுமன்ற உறுப்பினர் விஜயதாஷ ராஜபக்ஷ சுமத்தியுள்ளார்


கொழும்பு துறைமுக நகர ஆணைக்குழு சட்ட வரைபு தொடர்பான அதிருப்தியை அவர் நேற்று வெளியிட்டதை தொடர்ந்து, ஜனாதிபதி இன்று தொடர்பு கொண்டு அச்சுறுத்தியதாக தெரிவித்தார்.


"ஜனாதிபதி ஒருவரை போல அவர் பேசவில்லை. அச்சுறுத்தும் விதமான பேசினார். அதே தொனியில் பதிலளிப்பதை தவிர எனக்கு வேறு வழியில்லை. இப்போது எமக்கு பாதுகாப்பு அச்சுறுத்தல் உள்ளது" என அவர் பரபரப்பு தகவலை வெளியிட்டார்.


தனக்கு பாதுகாப்பு அச்சுறுத்தல் உள்ளதாக பொலிஸ்மா அதிபரிடமும் முறைப்பாடு செய்துள்ளார்.


இன்று (18) காலை கொழும்பில் செய்தியாளர்களிடம் பேசிய போது, விஜயதாஷ ராஜபக்ஷ இந்த தகவலை தெரிவித்தார்.


அரச வளங்கள் விற்கப்படாது என்ற வாக்குறுதி வழங்கி ஆட்சிக்கு வந்த போதும், முன்மொழியப்பட்ட துறைமுக நகர ஆணைக்குழு சட்டம் அபாயமானது என்பதை சுட்டிக்காட்டியதாக அவர் தெரிவித்தார்.


பாராளுமன்றத்தில் பாராளுமன்ற உறுப்பினர்கள் தங்கள் நலன்களை பிரதிநிதித்துவப்படுத்த வேண்டும் என்று பொதுமக்கள் எதிர்பார்க்கிறார்கள், எனவே நாட்டிற்கு தீங்கு விளைவிக்கும் சட்ட வரைபுகள் முன்வைக்கப்பட்டால் அவர் தொடர்ந்து ஆட்சேபனைகளை எழுப்புவார் என்று குறிப்பிட்டார்.


அதன்பின்னர் ஜனாதிபதி இன்று அவரைத் தொடர்பு கொண்டு மோசமான மற்றும் அச்சுறுத்தும் வகையில் பேசியதாக அவர் கூறினார்.


ஜனாதிபதி ஒரு ஜனாதிபதியைப் போலவே இராஜதந்திர ரீதியில் பேசுவார் என்று தான் எதிர்பார்ப்பதாகக் கூறினார்.


“இருப்பினும், அவர் ஒரு அரச தலைவருக்குப் பொருந்தாத வகையில் பேசினார்,” என்று அவர் கூறினார்.


அதே தொனியில் பதிலளிப்பதைத் தவிர வேறு வழியில்லை என்று விஜயதாச ராஜபக்ஷ கூறினார்.


"எங்கள் பாதுகாப்பு குறித்து இப்போது எங்களுக்கு கவலைகள் உள்ளன" என்று அவர் கூறினார்.


எப்போதும் தனது மனசாட்சியுடன் பணியாற்றி வருவதாகவும், நாட்டின் இறையாண்மையை அச்சுறுத்தும் எந்தவொரு திட்டங்களுக்கும் உடந்தையாக இருக்க விரும்பவில்லை என்றும் குறிப்பிட்டார்.


தன்னுடன் நேற்று ஊடக சந்திப்பில் கலந்துகொண்ட பௌத்த பிக்குவும் அரச தரப்பு உறுப்பினரால் மிரட்டப்பட்டதாக தெரிவித்தார். இதனாலேயே பொலிஸ் முறைப்பாடு செய்ததாகவும் தெரிவித்தார்.


Previous News Next News
யாழ் நியூஸ் இணையத்தில் வெளியாகும் அனைத்து ஆக்கங்கள் மற்றும் கட்டுரைகளை அவற்றை எழுதியவர்களும், செய்திகளுக்கு அவற்றை அனுப்பியவர்களும், விளம்பரங்களின் நம்பகத்தன்மைக்கு அந்த விளம்பர நிறுவனங்களும், பேஸ்புக் மற்றும் இத்தலத்தில் தெரிவிக்கும் கருத்துக்களுக்கு அவற்றை பதிவிட்டவர்களுமே பொறுப்பு என தெரிவித்துக் கொள்கிறோம்.

உங்கள் செய்திகளை போதுமான ஆதாரங்களுடன் எமது வாட்ஸாப் இலக்கத்துக்கு அனுப்பி வைக்கவும்.