நான் தோல்வியை ஏற்றுக்கொள்ள தயார்! -ட்ரம்ப் தெரிவிப்பு

எதிர்வரும் ஜனாதிபதி தேர்தலில் ஒருவேளை நான் தோல்வியடைந்தால் அமைதியாக வெள்ளை மாளிகையை விட்டு வெளியேறிவிடுவேன் என அமெரிக்க ஜனாதிபதி டோனால்ட் டிரம்ப் தெரிவித்துள்ளார்.

அமெரிக்காவில் எதிர்வரும் நவம்பர் மாதம் நடைபெறும் ஜனாதிபதி தேர்தலில் குடியரசு கட்சி சார்பில் ஜனாதிபதி டிரம்ப் மீண்டும் போட்டியிடுகிறார். அவரை எதிர்த்து ஜனநாயக கட்சி சார்பில் முன்னாள் துணை ஜனாதிபதி ஜோ பிடன் போட்டியிடுகிறார். இதன் காரணமாக இருவரும் ஒருவரை ஒருவர் வார்த்தைகளால் சாடி வருகின்றனர்.

இந்நிலையில், அண்மையில் டிரம்ப் பற்றி பேசிய ஜோ பிடன், “வரும் ஜனாதிபதி தேர்தலில் டிரம்ப் தோல்வி அடைந்தால் அவர் ஒப்புக்கொள்ள மாட்டார், வெள்ளை மாளிகையிலிருந்து வெளியேரமாட்டார். அவரால் தோல்வியை ஏற்றுக் கொள்ள முடியாது. எனவே, தேர்தலில் மோசடி செய்ய முயற்சி செய்வார்.” என கூறியிருந்தார்.

இந்நிலையில் வெள்ளை மாளிகையில் நடந்த பத்திரிகையாளர் சந்திப்பின் போது இது தொடர்பாக செய்தியாளர் எழுப்பிய கேள்விக்குப் பதில் அளித்த டிரம்ப், “வரும் தேர்தலில் ஒருவேளை நான் தோல்வியடைந்தால், அமைதியாக வெள்ளை மாளிகையை விட்டு வெளியேறி வேறு வேலைகளைப் பார்க்கச் சென்றுவிடுவேன். நான் செய்யவேண்டிய விடயங்கள் நிறைய இருக்கின்றன.” எனத் தெரிவித்துள்ளார்.

கருத்து தெரிவிக்க..

Previous Post Next Post